اسلام آباد(این این آئی)ملک میں ربیع الاول 1446ہجری کا چاند نظر نہیں آیااس لئے 12ربیع الاول 17ستمبرکوہوگی۔تفصیلات کے مطابق مرکزی رویت ہلال کمیٹی کا اجلاس وزارت مذہبی امور کوہسار بلاک اسلام آباد میں ہوا جس کی صدارت مولانا عبدالخبیر آزاد نے کی۔اجلاس میںرویت ہلال کمیٹی کی معاونت کیلئے سپارکو، محکمہ موسمیات اور وزارت سائنس و ٹیکنالوجی کے نمائندے بھی شریک ہوئے۔ملک کے کسی بھی حصے سے چاند نظر آنے کی شہادتیں موصول نہیں ہوئیں جس کے بعد چیئرمین رویت ہلال کمیٹی نے اعلان کیا۔انہوں نے کہاکہ یکم ربیع الاول 6ستمبر جمعہ کو ہوگی اور 12ربیع الاول منگل 17ستمبر کو ہوگی۔