سیالکوٹ(آن لائن)یونان کرکٹ بورڈ کے صدر جوزف نیکیتاس نے کہا ہے کہ پاکستان کرکٹ کھیلنے کے لئے محفوظ ترین ملک ہے اور یہاں امن عامہ کا کوئی مسئلہ نہیں ہے۔ دیگر انٹر نیشنل ٹیمیں بھی ہماری طرح پاکستان میں آ کر کرکٹ کی بحالی میں اپنا کردار ادا کریں۔ سیالکوٹ میں پریس کانفرنس کرتے ہوئے انہوں نے کہا کہ ہم پاکستان میں فروری میں امن پریمئر لیگ شروع کر رہے ہیں جس میں دنیا کے نامور کھلاڑی حصہ لیں گے۔ اس لیگ سے جہاں کرکٹ کو فروغ ملے گا وہیں دنیا کو پیغام جائے گا کہ پاکستان میں لوگ کھیلوں سے پیار کرتے ہیں 11 اکتوبر کو سیالکوٹ کے جناح اسٹیڈیم میں 20 سال بعد انٹر نیشنل میچ منعقد ہو گا جسکی تیاریاں کی جا رہی ہیں۔