خیبرایجنسی(نیوزڈیسک)طور خم سرحد سے پاکستان میں داخل ہونے والے افغان باشندوں کیلئے راہداری پاس لازمی قرار دیدیا گیا۔اسپانسر کے بغیر راہداری پاس جاری نہیں کیا جائے گا۔خیبرایجنسی پولیٹیکل ذرائع کے مطابق دس اکتوبر کے بعد کوئی بھی افغان شہری بغیر اجازت نامے کے پاکستان میں داخل نہیں ہوسکے گا۔اسپانسر کے بغیر کسی افغان باشندے کو راہداری پاس جاری نہیں کیا جائے گا،بغیربائیو میٹرک تصدیق کے افغان شہری طورخم سے پاکستان داخل نہیں ہوسکے گا،راہداری پاس کیلئے ایک ہزار فارم نادرا کو موصول ہوچکے ہیں، جن میں سے آٹھ سوفائنل کرلئے گئے۔پولیٹیکل انتظامیہ نے سترہ راہداری پاس جاری بھی کردئیے ۔