ریاض(این این آئی) سعودی فرمانروا شاہ سلمان نے کابینہ کو اپنی اور ولی عہد ووزیراعظم محمد بن سلمان کے بغیر کابینہ اجلاس طلب کرنے کی اجازت دے دی۔سعودی میڈیا کے مطابق سعودی فرمانروا شاہ سلمان بن عبدالعزیز نے کابینہ کو اپنے اور وزیراعظم و ولی عہد محمد بن سلمان کے بغیر اجلاس طلب کرنے کی اجازت دینے کا شاہی فرمان جاری کردیا ہے۔
شاہی فرمان کے مطابق سعودی فرمانروا شاہ سلمان، ولی عہد محمد بن سلمان یا ان کے نائبین کی عدم موجودگی میں فرمانروا کے والد کنگ عبدالعزیز کے خاندان سے تعلق رکھنے والے کابینہ کے بزرگ رکن کی زیر صدارت کابینہ کا اجلاس ہوگا،شاہی فرمان کے مطابق کابینہ میں ہونیوالے فیصلوں پر چیئرمین کے دستخط ہوں گے۔
