لاپاز(این این آئی)جنوبی امریکی ملک بولیویا میں فوجی بغاوت کی کوشش عوام نے ناکام بنادی۔غیرملکی میڈیا کے مطابق بغاوت کے الزام میں ایک فوجی جنرل کو گرفتار کرلیا گیا ہے، فوج نے صدارتی محل، متعدد سرکاری عمارتوں اور دارالحکومت میں سینٹرل اسکوائر پر قبضہ کیا تھا۔صدر کی اپیل پر عوام سڑکوں پر نکل آئے تھے اور فوج کو واپس جانے پر مجبور کردیا تھا۔
بولیویا کے صدر لوئس آرس نے بغاوت کی کوشش ناکام بنانے پر عوام کا شکریہ بھی ادا کیا۔ دوسری جانب امریکا نے بھی اس ساری صورتحال کا بغور جائزہ لیا۔وائٹ ہائوس کی جانب سے کہا گیا ہے کہ فریقین تحمل کامظاہرہ کریں۔
