لاہو ( این این آئی) ٹی ٹونٹی ورلڈکپ کے پہلے رائونڈ سے باہر ہونے والی قومی ٹیم کے کپتان بابراعظم بالآخر وطن واپس پہنچ گئے۔کپتان بابراعظم نیویارک سے براستہ دبئی لاہور پہنچے، وہ آئندہ چند روز میں چیئرمین پی سی بی محسن نقوی سے ملاقات کرکے میگا ایونٹ کی کارکردگی سے متعلق اپنا موقف پیش کریں گے۔
ٹی ٹونٹی ورلڈکپ سے باہر ہونے کے بعد پاکستان کرکٹ ٹیم کے بعض کھلاڑی ایک ہفتے قبل امریکہ سے وطن واپس پہنچ گئے تھے جب کپتان بابراعظم سمیت حارث رئوف، عماد وسیم، اعظم خان اور محمد عامر ٹیم کے ہمراہ واپس نہیں آئے تھے۔دوسری جانب امریکہ میں ہی ایک فین کی جانب سے فاسٹ بولر حارث رئوف تنقید کا نشانہ بنایا تھا جس پر بات ہاتھا پائی تک پہنچ گئی تھی۔
