بغداد(نیوز ڈیسک)عراق کے دارالحکومت بغداد میں 3کار بم دھماکوں میں 57افراد ہلاک اور درجنوں زخمی ہو گئے۔حکام کے مطابق پہلا دھماکا شمال مشرقی بغداد کی ایک پ±ر ہجوم مارکیٹ میں ہوا۔ دکان کے باہر کھڑی کار میں دھماکے سے 35افراد ہلاک ہو گئے۔ دوسرا کار بم دھماکا بغداد کے ضلع حسینیہ میں ہوا جس میں 12افراد جان سے گئے جبکہ الزبیر قصبے میں دھماکے سے 10افراد مارے گئے۔ دھماکوں سے کئی دکانوں اور عمارتوں کو بھی شدید نقصان پہنچا۔ شدت پسند تنظیم داعش نے دھماکوں کی ذمہ داری قبول کر لی ہے۔