سرینگر(آن لائن)مقبوضہ کشمیرکے ضلع کپواڑہ میں مجاہدین کے ساتھ ایک جھڑپ میں تین بھارتی فوجی ہلاک ہو گئے ۔ سر ینگر سے آ مدہ اطلا عا ت کے مطا بق فوجی ضلع کے علاقے ہندواڑہ کے جنگلا میں تلاشی کی ایک کارروائی کے دوران مجاہدین کے ساتھ جھڑپ میں ہلاک ہوئے۔ بھارتی فوج کے ترجمان لیفٹیننٹ کرنل این این جوشی نے سرینگر میں ایک میڈیاانٹرویو میںہندواڑہ کے علاقے ہفرڈہ کے جنگلا ت میں تین فوجیوں کی ہلاکت کی تصدیق کی ہے ۔انہوںنے کہاکہ تلاشی کی کارروائی ابھی بھی جاری ہے ۔ علاقے میں فوجیوں کے ہاتھوں ایک کشمیری نوجوان بھی شہید ہوا ہے ۔ تاہم بھارتی فوج نے دعویٰ کیا ہے کہ شہید ہونے والے نوجوان کو ضلع کپواڑہ کے علاقے لولاب میں ایک مقابلے کے دوران قتل کیاگیا ۔ بھارتی فوج کی 28راشٹریہ رائفلز ، 18راشٹریہ رائفلز اورپولیس کے اسپیشل آپریشنز گروپ کے اہلکار علاقے میں کارروائی کر رہے ہیں۔اس سے قبل بھارتی فوجیوںنے اپنی ریاستی دہشت گردی کی ایک کارروائی کے دوان ضلع پلوامہ میںترال کے علاقے پاریگام میں دو کشمیری نوجوانوں کو شہید کردیا ۔ فوجیوںنے نوجوانوںکو ضلع کے علاقے ہاری پاریگام میں ایک پرتشدد کارروائی کے دوران شہید کیا ۔ بھارتی فوج نے دعویٰ کیا ہے کہ نوجوانوں کو ایک مقابلے کے دوران قتل کیاگیا۔