ریوڈی جنیرو(این این آئی)برازیل میں منعقد ہونے والے لائیو اسٹاک آکشن میں نیلور نسل کی گائے ویاتینا 19 فائیو مارا ایموویس اب تک کی سب سے مہنگے داموں فروخت ہونے والی گائے بن گئی ہے۔

غیرملکی خبررساں ادارے کے مطابق برازیل کی ریاست سا پالو کے شہر آرانڈو میں ہونے والے لائیو اسٹاک آکشن میں نیلور نسل کی گائے 48 لاکھ امریکی ڈالرز میں نیلام ہوئی اور یہ قیمت پاکستانی کرنسی کے حساب سے ایک ارب سے زائد بنتی ہے۔اس سے پہلے گزشتہ سال بھی نیلور نسل کی گائے دنیا کی مہنگی ترین گائے قرار پائی تھی جو 43 لاکھ ڈالرز میں نیلام ہوئی تھی۔