لاہور (آن لائن)سابق سپیکر اور این اے 122 میں مسلم لیگ (ن) کے امیدوار ایاز صادق نے کہا ہے کہ این اے 122 پہلے بھی میرا تھا اور میرا ہی رہے گا ۔ ضمنی انتخاب میں عمران خان اور علیم خان سے مقابلہ ہے ۔ ان خیالات کا اظہار سابق سپیکر اور این اے 122 میں مسلم لیگ(ن) کے امیدوار ایاز صادق نے اتوار کے روز لاہور میں میڈیا سے گفتگو کرتے ہوئے کیا ۔ ایاز صادق نے کہا کہ علیم خان پر 261 کروڑ روپے فراڈ کے ثبوت ہیں ۔ علیم خان کے خلاف 4 ایف آئی آر درج ہیں الیکشن کمیشن کو چاہئے کہ وہ ضابطہ اخلاق کی خلاف ورزی پر نوٹس لے انہوں نے مزید کہا کہ این اے 122 میں پہلے بھی میں نے ہی الیکشن جیتا تھا اور اب بھی میں ہی الیکشن جیتوں گا ۔ میں نے پہلے کبھی ذاتیات کی سیاست نہیں کی اور نہ ہی اب کروں گا ۔ پاکستان تحریک انصاف ہمیشہ ذاتیات کی سیاست کرتی ہے ضمنی انتخاب میں میرا مقابلہ عمران خان اور علیم خان سے مقابلہ ہے اور مجھے پوری امید ہے کہ کامیابی مجھے ہی نصیب ہو گی ۔