نئی دہلی(آن لائن) بھارتی کرکٹر ہربھجن سنگھ اور بولی وڈ اداکارہ گیتا بسرا کی شادی طے پاگئی ، بھارتی میڈیا کے مطابق سوشل میڈیا پر آف اسپنر ہربھجن اور گیتا کی شادی کے کارڈ گردش کر رہے ہیںسرخ اور سنہری رنگ کے اس شادی کارڈ پر ہربھجن اور گیتا کے نام نمایاں ہیں، جبکہ شادی کی تقریب رواں ماہ 29 اکتوبر کو پھگوارا روڈ پر واقع ہوٹل کلب کبانا میں منعقد کی جائے گی، جو ہربھجن کے آبائی علاقے جالندھر سے 20کلومیٹر کے فاصلے پر واقع ہے.کلب کبانا کے ایک سینیئر عہدیدار نے ہربھجن کے خاندان کی جانب سے بکنگ کی تصدیق کی تاہم انھوں نے ‘رازداری’ برقرار رکھنے کی غرض سے مزید تفصیلات بتانے سے گریز کیا۔ شادی کی تقریبات 5 دن پر مشتمل ہوں گی، جس میں سنگیت (27 اکتوبر)، مہندی (28 اکتوبر)، شادی (29 اکتوبر) اور یکم نومبر کو دہلی میں دیا جانے والا ریسیپشن بھی شامل ہےشادی کی تقریب میں کرکٹ اسٹارز اور بولی وڈ کے ستارے شریک ہوں گے.