اسلام آباد (این این آئی)صدر مملکت عارف علوی نے کہا ہے کہ بطور صدر ملک کے عوام کی خدمت میرے لیے باعث فخر رہی، اللہ میری کوتاہیوں پر مجھے معاف کرے، اچھے اعمال کا اجر دے۔ایک بیان میں عارف علوی نے کہا کہ میری اہلیہ ثمینہ علوی بھی اس دعا میں میرے ساتھ شریک ہیں۔صدر مملکت نے کہا کہ مجھے کوئی شک نہیں کہ پاکستان کا مستقبل تابناک ہے، بطور پاکستان کے 13ویں صدر کے ایکس ہینڈل پر میرا یہ آخری پیغام ہے۔عارف علوی نے کہا کہ میں صدر پاکستان کا ایکس ہینڈل ملک کے 14ویں صدر کو منتقل کررہا ہوں۔