لاہور( این این آئی)مسلم لیگ (ن) کی سینئر نائب صدر و چیف آرگنائزر مریم نوازشریف سے 7 نومنتخب ارکان پنجاب اسمبلی نے ملاقات کر کے شمولیت کا اعلان کر دیا ۔مریم نواز سے پی پی 240 بہاولنگر سے سہیل خان، پی پی 48 سیالکوٹ سے خرم ورک، پی پی 249 احمد پور شرقیہ سے شہزادہ گزین عباسی ،راجن پور سے خضر مزاری، پی پی 96 چنیوٹ سے ذوالفقار علی شاہ، پی پی 49 پسرور سے رانا فیاض اور پی پی 97 چنیوٹ سے ثاقب چدھڑ نے ملاقات کی۔

مریم نواز نے آزاد ارکان کو مسلم لیگ (ن) میں شمولیت پر مبارک دی اور ان کے فیصلے کا خیرمقدم کیا۔مریم نوازنے کہا کہ آپ کا فیصلہ پاکستانی عوام کی مشکلات کے حل کا ذریعہ بنے گا، آپ کا اعتماد عوام کو مہنگائی سے نجات دلانے میں محمد نواز شریف کے ہاتھ مضبوط کرے گا۔آزاد ارکان اسمبلی نے محمد نوازشریف کی قیادت اور عوام کی خوشحالی کے ایجنڈے پر مکمل اعتماد کا اظہار کیا۔