سڈنی (نیوزڈیسک)آسٹریلوی ٹیم کے وکٹ کیپر بلے باز بریڈ ہیڈن نے پاکستان سپر لیگ میں کھیلنے کامعاہدہ کرلیا ہے جو چار سے چوبیس فروری تک متحدہ عرب امارات میں کھیلی جائےگی ۔ہیڈن حال ہی میں بین الاقوامی کرکٹ سے ریٹائرہوئے ہیں ان کے علاوہ بریڈ ہوج نے بھی اس ٹور نا منٹ میں کھیلنے کاسمجھوتہ کیا ہے ہیڈ ن نے اگرچہ ایک روزہ کرکٹ سے ریٹائر منٹ لے لی ہے تاہم وہ مقامی کلب سڈنی سسکرز کی طرف سے ٹی ٹوئنٹی بیگ بیش لیگ میں کھیلیں گے جو سال کے آخر میں ہوگی ۔پی ایس ایل کےلئے اب تک جن کھلاڑیوں نے دلچسپی ظاہر کی ہے ان میں کیون پیٹر سن , لیورائٹ , ٹم برسنن سمیت ویسٹ انڈیز کے کرس گیل , کیرن پولارڈ , ڈیوائن براوو , ڈیوائن سمتھ اور سنیل نارائن شامل ہیں ۔