اسلام آباد (این این آئی)نیپرا نے ملک کے تمام بجلی صارفین پر 22ارب 29 کروڑ روپے کا اضافی بوجھ ڈال دیا ہے جس کا اطلاق کے الیکٹرک سمیت تمام صارفین پر ہو گا۔تفصیلات کے مطابق نیپرا نے ڈسکوز کیلئے بجلی کی فی یونٹ قیمت میں 1روپے 15پیسے اضافے کی منظوری دے دی ہے۔
نیپرا اتھارٹی نے بجلی مہنگی کرنے بارے نوٹیفکیشن بھی جاری کر دیا ہے، حتمی منظوری کیلئے نوٹیفکیشن حکومت کو بھجوا دیاگیا ہے، حکومتی منظوری کے بعد بجلی کی قیمتوں میں اضافے کا اطلاق ہو گا۔نوٹیفکیشن کے مطابق بجلی کی قیمتوں میں اضافہ سہ ماہی ایڈجسمنٹ کی مد میں کیا گیا ہے، اور اس کا اطلاق یکم جنوری 2024سے ہو گا جو تین ماہ مارچ 2024 تک لاگو رہے گا۔قیمتوں میں اضافے سے صارفین پر 22 ارب 29 کروڑ روپے کا اضافی بوجھ پڑے گا، اور اس کا اطلاق کے الیکٹرک سمیت تمام صارفین پر ہو گا۔
