اوکلاہوما سٹی(نیوز ڈیسک)امریکی ریاست اوکلا ہوما میں شہد کی مکھیوں سے بھرا ٹرک الٹ گیا۔ شہد کی مکھیاں پھیلنے کے باعث ڈرائیوروں کو محتاط رہنے کی ہدایت کردی گئی ہے۔اوکلا ہوما کے علاقے پاولز ویلی کی شاہراہ پر شہد کی مکھیوں سے بھرا ٹرک تیز رفتاری کے باعث الٹ گیا اور درجنوں چھتے سڑک پر بکھر گئے۔ جس کے بعد ہزاروں مکھیاں آزاد ہو گئیں اور شاہراہ پر آدھے میل تک پھیل گئیں۔ اتنی بڑی تعداد میں مکھیوں کے باعث شاہراہ پر سفر کرنے والے لوگوں کو مشکلات کا سامنا کرنا پڑا۔ ہائی وے انتظامیہ نے شہد کی مکھیوں کے باعث بند ہونے والی تمام سڑکیں ٹریفک کے لیے کھول دی ہیں، تاہم ڈرائیوروں کو محتاط رہنے کی ہدایت کردی گئی ہے۔