لاہور(نیوزڈیسک) پاکستانی کھلاڑیوں محمد آصف، محمد عامر اور سلمان بٹ کو بھارتی بزنس مین بن کر سپاٹ فکسنگ کیس میں سامنے لانے والے صحافی مظہر محمود کو برطانوی گلوکارہ سے ڈرامے بازی کرنا مہنگا پڑ گیا۔مظہر محمود نے پاپ گلوکارہ ٹیولیزا سے بھی ایک فلمساز بن کر ملاقات کی تھی، جس میں اس نے گلوکارہ کو بالی وڈ میں متعارف کروانے کا جھانسا دیا اور اداکارہ کو منشیا ت سمگلنگ کیس میں پھنسا دیا۔ ٹیولیزا پر 800 پاؤنڈ مالیت کی کوکین بیچنے کا الزام تھا تاہم عدالت نے مظہر محمود کو کٹہرے میں کھڑے ہو کر جھوٹ بولنے پر جھوٹا قرار دے دیا۔ عدالتی فیصلے کے بعد مظہر محمود نے اپنے وکیل کنگ سلے نیپلے کے ذریعے بیان جاری کیا کہ
انہیں عدالتی فیصلے سے مایوسی ہوئی اور وہ فیصلے سے انکار کرتے ہوئے اپنے دفاع کے لئے عدالت جائیں گے۔