اسلام آباد (این این آئی)پاکستان سٹیزنز پورٹل پر رجسٹرڈ شہریوں کی تعداد 41 لاکھ 67 ہزار سے بڑھ گئی،پانچ سال کے دوران سٹیزنز پورٹل پر 54 لاکھ 4 ہزار 589 شکایات درج کرائی گئیں۔تفصیلات کے مطابق پاکستان سٹیزنز پورٹل پر رجسٹرڈ شہریوں کی تعداد 41 لاکھ 67 ہزار سے تجاوز کر گئی ہے، وفاقی وزارتوں اور اداروں کیخلاف 27لاکھ 48ہزار 186شکایات درج کرائی گئیں،پورٹل پر پانچ سال کے دوران 54لاکھ 4ہزار 589شکایات درج کرائی گئیں۔
اعداد وشمار کے مطابق سمندر پار پاکستانیوں نے 2لاکھ 63 ہزار 169،غیر ملکیوں کی 16 ہزار 932 شکایات کیں، پنجاب حکومت کے خلاف 17 لاکھ 19 ہزار 137 شکایات سٹیزن پورٹل کو موصول ہوگئے، کے پی 5 لاکھ 47ہزار، سندھ حکومت کے خلاف 3 لاکھ 17 ہزار 296 شکایتیں موصول ہوگئیں۔رپورٹ کے مطابق سب سے زیادہ 8 لاکھ 10 ہزار شکایات طلبا کی جانب سے درج کرائی گئیں، کاروباری افراد نے 6 لاکھ 56 ہزار 411 شکایت پورٹل پر درج کرائیں، سول سروس افسران اور ملازمین کی جانب سے بھی 4 لاکھ 82 ہزار شکایات درج کیں گئیں۔
پورٹل پر انجینئرز نے 5لاکھ 5ہزار، اساتذہ نے 6لاکھ 84 ہزار شکایتیں کیں، سماجی کارکنوں نے 3لاکھ 14 ہزار،خواتین نے 3 لاکھ 71ہز264 شکایات درج کرائی۔ پورٹل پر شکایات کے ازالے کی شرح 98 اعشاریہ 67 فیصد رہی۔ رپورٹ کے مطابق سب سے زیادہ سوئی نادرن، میپکو اور بی آئی ایس پی کے خلاف شکایات آئیں جبکہ سعودی عرب میں پاکستانی سفارت خانے کے خلاف سب سے زیادہ شکایات آئیں۔
