کراچی(این این آئی) شہر قائد میں دالوں، چاول اور مصالحہ جات کی قیمتیں ہول سیل اور ریٹیل کی سطح پر مقرر کردی گئیں۔تفصیلات کے مطابق کمشنر کراچی سہیل راجپوت نے دالوں، چاول اور مصالحہ جات کی سرکاری قیمتیں جاری کر دیں ، قیمتیں ہول سیل اور ریٹیل کی سطح پر مقرر کی گئی ہیں۔دال ماش کی قیمت ہول سیل میں 450 ،ریٹیل میں 495 روپے فی کلو، دال چنا ہول سیل میں 185 ،ریٹیل میں 204 روپیفی کلو مقرر کی گئی ہے۔

کراچی ریٹیل مارکیٹ میں سرکاری نرخوں سے زائد میں فروخت جاری ہے اور انتظامیہ ناکام دیکھائی دیتی ہے۔گذشتہ روز کمشنر کراچی سلیم راجپوت نے زندہ مرغی اور مرغی کے گوشت کی قیمتوں کا نوٹی فکیشن جاری کیا تھا ، جس کے مطابق مرغی کا فی کلوگوشت 68روپے سستا ہوگیا جبکہ زندہ مرغی کی فی کلو قیمت میں 44روپے کمی ہوگئی۔نوٹی فکیشن کے مطابق ریٹیلرز کیلئے مرغی کے گوشت کی قیمت 502روپے فی کلو مقررکردی گئی ہے۔