لاہور ( این این آئی) لاہور کی انسداد دہشت گردی عدالت نے نو مئی کو راحت بیکری کے باہرجلائو گھیرائو کے مقدمے میں گرفتارپی ٹی آئی کارکن خدیجہ شاہ کو 14 روزہ جوڈیشل ریمانڈ پرجیل بھیجنے کا حکم دے دیا۔خدیجہ شاہ کے خلاف تھانہ سرور روڈ پولیس نے مقدمہ درج کروا رکھا ہے۔جمعرات کے روز لاہورکی انسداد دہشت گردی عدالت نے جناح ہائوس اور عسکری ٹاور کے مقدمات میں خدیجہ شاہ کی رہائی کی روبکار جاری کی تھی۔
لاہور ہائیکورٹ نے خدیجہ شاہ کی ضمانتیں بعد از گرفتاری منظور کیں تھیں۔یاد رہے کہ 18اکتوبر کو لاہور ہائیکورٹ نے معروف ڈیزائنر اورایکٹوسٹ خدیجہ شاہ کی 2مقدمات میں ضمانتیں منظور کرنے کا تحریری فیصلہ جاری کیا تھا ، فیصلے میں کہا گیا تھا کہ جناح ہائوس کے اندر ملزمہ کے آگ لگانے کے کوئی ثبوت موجود نہیں۔
