مریدکے( این این آئی)مریدکے میں 11سالہ طالبہ اور 14سالہ طالبعلم سے اغوا کے بعد اجتماعی زیادتی کے واقعات ، ملزمان زیادتی کے دوران ویڈیو بھی بناتے رہے ،نگران وزیر اعلی پنجاب نے رپورٹ طلب کرلی ،ڈی پی او شیخوپورہ کے سخت نوٹس پر دونوں واقعات کے ملزمان کو گرفتار کر کے مقدمات درج کر لیا گیا ۔پولیس کے مطابق مریدکے پرانا نارنگ روڈ پر گیارہ سالہ طالبہ مہناز کو تین بااثر بگڑے شراب کے نشہ میں دھت چوہدریوں نے اغوا کرکے اپنے ڈیرہ پر لیجا کر باری باری زیادتی کا نشانہ بنا ڈالا اور مبینہ طور پر زیادتی کی ویڈیو بناتے رہے ،حالت غیر ہونے پر طالبہ کو ویران جگہ پر پھینک گئے جسے تشویشناک حالت میں ٹی ایچ کیو ہسپتال منتقل کیا گیا ۔
اسی طرح جی ٹی روڈ سے چودہ سالہ طالب علم علی حمزہ کو تین اوباش نوجوانوں نے اغوا کرکے اجتماعی زیادتی کا نشانہ بنا ڈالا ۔دونوں واقعات کا نگران وزیر اعلی پنجاب محسن نقوی نے نوٹس لے لیا اور آئی جی پولیس پنجاب کو حکم دیا کہ ملزمان کو فوری گرفتار کرکے انصاف کے تقاضے پورے کئے جائیں جس پر ڈی پی او شیخوہورہ زاہد نواز مروت نے ڈی ایس پی مریدکے حاجی ملک طاہر صدیق ایس ایچ او تھانہ صدر مریدکے عمر شیراز گھمن کے ہمراہ چھاپے مار کر ملزموں کو گرفتار کرکے مقدمات درج کرلئے۔
