لاہور ( این این آئی) لاہور ہائکورٹ کے حکم پر 8 سالہ کم سن گھریلو ملازمہ کو بازیاب کروا لیا گیا۔لاہور ہائیکورٹ کے جسٹس جاوید گھرال نے 8سالہ کمسن گھریلو ملازمہ کی بازیابی سے متعلق اسکی والد کی درخواست پر سماعت کی۔
درخواست گزار کے وکیل نے موقف اختیار کیا کہ بچی کے والد ایک نجی ہوٹل پر ملازمت کرتے تھے، ہوٹل والوں نے بچی کو 4 ماہ سے اپنے پاس رکھا ہوا ہے ، عدالت بیٹی کو بازیاب کرا کے عدالت پیش کرنے کا حکم دے ۔عدالت کے حکم پر نور فاطمہ نامی 8 سالہ کم سن گھریلو ملازمہ کو بازیاب کرا لیا گیا۔ عدالتی حکم پر پولیس نے 8سالہ بچی کو بازیاب کرکے عدالت پیش کردیا ۔ عدالت نے 8سالہ نور فاطمہ کو والد کے ساتھ بھجوا دیا۔
