کراچی(این این آ ئی)ملک بھر کے پاسپورٹ دفاتر سے شہریوں کو پاسپورٹ ڈیلیوری کا معاملے میں بڑی پیش رفت سامنے آگئی۔تفصیلات کے مطابق تکنیکی پیچیدگیوں کی وجہ سے پاکستانیوں کو پاسپورٹ کا اِجرا روکا ہوا تھا۔اب تکنیکی مسائل پر زیرالتوا تمام پاسپورٹس چند روز میں جاری کیے جانے کا امکان ہے۔ذرائع کا کہنا ہے کہ فاسٹ ٹریک درخواستوں کے حامل پاسپورٹس کا بیک لاگ ختم ہو گیا۔

اب فاسٹ ٹریک درخواستوں والے پاسپورٹس منگل سے مقررہ مدت میں ہی فراہم کیے جائیں گے۔ارجنٹ پاسپورٹ کا بیک لاگ بھی 2سے 3روز میں ختم ہونے کا امکان ہے۔ پاسپورٹس کی جلد فراہمی کیلئے امیگریشن اینڈ پاسپورٹ ڈائریکٹوریٹ نے خصوصی اقدام کیا۔ذرائع نے بتایا کہ زیرالتوا نارمل پاسپورٹس درخواستوں کی بروقت فراہمی اور پرنٹنگ کیلئے اضافی اقدامات کیے جارہے ہیں۔پاسپورٹ آفس کے ذرائع کے مطابق بروقت پرنٹنگ کیلئے اضافی افرادی قوت سمیت پرنٹنگ مشینوں کو 24گھنٹے فعال رکھا جائیگا۔