اسلام آباد(نیوزڈیسک)سپریم کورٹ میں سانحہ منیٰ کے حقائق کی تفصیلات طلب کرنے کے لئے درخواست دائر کی گئی ہے۔پیر کو محمود اختر نقوی کی جانب سے دائر کی گئی درخواست میں موقف اختیار کیا گیا کہ منیٰ میں بھگدڑ سے کئی پاکستانی شہید ہوئے ہیں، اس لئے عدالت سے استدعا ہے کہ سانحہ منیٰ کی حقائق پر مبنی رپورٹ طلب کی جائے اور سانحے میں شہدا اور لاپتہ افراد سے متعلق حکومتی اقدامات کا ریکارڈ طلب کیا جائے۔واضح رہے کہ منیٰ میں 10 ذی الحج کو مناسک حج کے دوران بھگدڑ سے 769 افراد شہید ہوئے تھے جن میں 36 پاکستانی بھی شامل ہیں۔