اسلام آباد (این این آئی)عالمی بینک نے پاکستان کو پندرہ کروڑ ڈالر فراہم کرنے کے لیے رضا مندی ظاہر کردی،توانائی سیکٹر منصوبے کے لیے تیرہ کروڑ پچاس لاکھ ڈالر بطور قرض ملے گا، عالمی بینک پاکستان کو ڈیڑھ کروڑ ڈالر بطور گرانٹ بھی فراہم کرے گا۔تفصیلات کے مطابق عالمی بینک نے پاکستان کو 15 کروڑ ڈالر فراہم کرنے کے لیے رضامندی ظاہر کر دی۔

دستاویز کے مطابق پاکستان کو توانائی سیکٹر منصوبے کیلئے 13 کروڑ 50 لاکھ ڈالر بطور قرض ملے گا،،منصوبے کا مقصد توانائی شعبے کی کارکردگی میں بہتری و تحفظ ہے، کمرشل، انڈسٹریل اور رہائشی عمارتوں کو گیس سے بجلی پر منتقل کیا جائے گا۔دستاویز میں بتایا گیا کہ منصوبے پر عملدر آمد سے سالانہ 291 ارب 65 کروڑ روپے بچت کا تخمینہ لگایا ہے ، توانائی کی بچت کرنے والی عمارتوں کی تعمیرکی حوصلہ افزائی کی جائے گی۔اس کے علاوہ توانائی شعبے میں نجی شعبے کی سرمایہ کاری کو بھی فروغ دیا جائے گا۔