مکوآنہ ( این این آئی )فیصل آباد میں پولیس نے 10 سال کی بچی سے نکاح کرنے والے دلہا کو گرفتار کرلیا گیا ۔پولیس کے مطابق فیصل آباد کے علاقے ستیانہ میں کم عمر بچی سے شادی کرنے والے دلہا کے خلاف مقدمہ درج کیا گیا تھا جس کے بعد پولیس نے کارروائی کرتے ہوئے دلہا کو گرفتار کرلیا۔

ایف آئی آر میں کہا گیا ہیکہ ملزم نے 2 ہفتے قبل 10 سال کی بچی سے شادی کی تھی، کم عمر بچی کے نکاح کے بعد رخصتی بھی کر دی گئی تھی۔پولیس کا کہنا ہے کہ دلہا کی گرفتاری کے بعد دلہن کی تلاش میں چھاپے مارے جارہیہیں جب کہ نکاح خواں، گواہان اور دلہن کے والد کی گرفتاری کیلئے بھی کارروائی کی جارہی ہے۔