مردان(این این آئی) مردان میں رشتہ داروں کی جانب سے بار بار فروخت کی جانیوالی خاتون کی ویڈیو وائرل ہوگئی۔ تفصیلات کے مطابق مردان کی تحصیل رستم کی رہائشی فضیلت نامی خاتون کی ویڈیو سوشل میڈیا پر وائرل ہے خاتون کو رشتہ داروں نے 40لاکھ روپے کے عوض بیج دیا تھا۔خاتون نے ویڈیو بیان میں کہا کہ 3رشتہ دار لختی، ابراہم اور یار محمد نے مجھے دھوکے سے ملاکنڈ درگئی لا کر 40لاکھ روپے میں فروخت کردیا اور میری شادی سوات کے رہائشی فضل ہادی نامی شخص سے کرادی جو پہلے سے شادی شدہ ہے، میں شادی شدہ ہوں اور میرے 2بچے بھی ہے، مجھے اپنے گھر واپس نہیں بھیجا جارہا۔

خاتون نے انکشاف کیا کہ مجھے پہلے بھی کئی بارفروخت کیا جا چکا ہے اور مجھے باربار مختلف جگہوں اور مختلف لوکوں کو فروخت کیا جاتا ہے۔دوسری طرف پولیس نے موجودہ شوہر فضل ہادی کے خلاف اغواء کا مقدمہ درج کرلیا ہے، پولیس کے مطابق خاتون کی ویڈیو سوشل میڈیا پر وائرل ہونے کے بعد کیس میں ملوث افراد کی گرفتاری کے بعد اصل حقائِق سامنے آئیں گے، خاتون کا موجودہ شوہر فضل ہادی ملک سے باہر ہے۔