لاہور ( این این آئی) موٹروے پولیس ایم ٹو نے ایمانداری کی مثال قائم کر دی ، شیخوپورہ رہسٹ ایریا سے ملنے والے ساڑھے چھ لاکھ روپے مالیت کا سونا مالک کے حوالے کر دیا گیا ۔ ترجمان کے مطابق اسلام آباد جانے والے شہری کے قیمتی گولڈ چین، رنگ اور سامان ریسٹ ایریا میں رہ گیا تھا ۔

شہری ارسلان نے موٹروے پولیس ہیلپ لائن 130پر اطلاع دی ، پٹرولنگ آفیسران شاہد اور صبا علوی نے سروس ایریا سے قیمتی سامان کو تلاش کیا۔ شہری نے قیمتی سامان مل جانے پر موٹروے پولیس ایمانداری کی تعریف کی۔ سیکٹر کمانڈر فیصل اکرم نے افسران کی ایمانداری کو سراہا ہے۔