مکوآنہ (این این آئی)فیصل آباد کمسن بچی کو زیادتی کے بعد قتل کی کوشش کرنے والا ملزم گرفتار، پولیس نے مقدمہ درج کرکے قانونی کارروائی شروع کردی۔ تفصیلات کے مطابق تھانہ چک جھمرہ کے علاقہ 185 ر۔ب میں مقامی زمیندار کے درندہ صفت نوکر عمران عرف مانی نے 6 سالہ بچی ارم کو تشدد کے بعد جنسی زیادتی کا نشانہ بنایا۔ملزم نے جرم چھپانے کیلئے چھری سے بچی کا گلہ کاٹنے کی کوشش بھی کی۔متاثرہ بچی کو تشویشناک حالت میں ہسپتال منتقل کر دیا گیا۔

پولیس نے بچی کے والد کی مدعیت میں مقدمہ درج کرکے قانونی کارروائی کرتے ہوئے ملزم کو گرفتار کرلیا، ملزم سے تفتیش جاری ہے۔ ایف آئی آر کے مطابق ملزم عمران نے بھٹہ خشت پر کام کرنے والے مزدور عمران ولد محسن کی کم سن بیٹی ارم کو ورغلا کر قریبی کماد کے کھیت میں تشدد اور درندگی کا نشانہ بنایا اور شور مچانے پر چھری سے گلا کاٹ کر قتل کرنے کی کوشش کی۔بچی کے شور مچانے پر اہل دیہہ اکٹھے ہوئے تو ملزم فرار ہوگیا۔