مکوآنہ (این این آئی)انڈسٹریل اسٹیٹس ڈویلپمنٹ اینڈ مینجمنٹ کمپنی میں ساڑھے 7 کروڑ روپے سے زائد کی مالی بے ضابطگیوں پر اینٹی کرپشن فیصل آبادنے فیڈمک کے تین فنانس افسران کے خلاف مقد مہ درج کرکے گرفتار کر لیا۔ تفصیلات کے مطابق انڈسٹریل اسٹیٹس ڈویلپمنٹ اینڈ مینجمنٹ کمپنی میں ساڑھے 7 کروڑ روپے سے زائد کی مالی بے ضابطگیوں کا معاملہ پر اینٹی کرپشن فیصل آبادنے انڈسٹریل اسٹیٹس ڈویلپمنٹ اینڈ مینجمنٹ کمپنی کے تین فنانس افسران کو گرفتار کر لیا،فیصل آباد انٹی کرپشن میں سات افراد کیخلاف نامزد مقدمہ درج کیا گیا تھا،

ملزمان نے غیر ملکی سرمایہ کاروں سے وصول کردہ ساڑھے 7 کروڑ روپے فیڈمک اکاؤنٹس میں جمع نہیں کروائے،فیڈمک فنانس افسران کی سرپرستی میں مارکیٹنگ کے نام پر غیر ملکی سرمایہ کاروں سے فراڈ کیا گیا، ملزمان کی گرفتاری کے لیے خصوصی ٹیمیں تشکیل،ہر صورت ریکوری کی جائے گی،فیڈمک میں مالی ضباطگیوں پر انٹی کرپشن میں مقدمہ درج کیا گیا تھا۔