لاہور ( این این آئی) پنجاب حکومت نے 29ستمبر بروز جمعہ کو عیدمیلادالنبیۖ کے موقع پر عام تعطیل کا اعلان کردیا ۔ نوٹیفکیشن کے مطابق 12ربیع الاول 29ستمبر بروز جمعہ کو عام تعطیل ہو گی۔12ربیع الاول کو تمام سرکاری ادارے بند رہیں گے، 29ستمبر کی تعطیل کا نوٹیفکیشن تمام محکموں کو ارسال کردیا گیا۔وفاقی حکومت کے تمام اداروں اور ہفتہ،اتوار کو چھٹی کرنے والے تمام نجی اداروں اورسکولوں میں 30 ستمبر بروز ہفتہ اور اتوار یکم اکتوبر کو بھی چھٹی ہو گی۔خیال رہے کہ مرکزی رویت ہلال کمیٹی کے اعلان کے مطابق ربیع الاول کا باسعادت مہینہ پیر 18ستمبر سے شروع ہوا اور عیدمیلاد النبی 12ربیع الاول 29ستمبرکو ہو گی۔