کراچی(این این آئی)پیپلز پارٹی نے جنوری کے آخری ہفتے میں الیکشن کمیشن کا انتخابات کروانے کے فیصلے کو غیر آئینی قرار دیتے ہوئے مسترد کر دیا۔نجی ٹی وی کے مطابق پیپلز پارٹی نے جنوری کے آخری ہفتے میں الیکشن کمیشن کا انتخابات کروانے کے فیصلہ مسترد کرتے ہوئے چیئرمین بلاول بھٹو کو تحفظات سے آگاہ کر دیا ہے ۔
بلاول بھٹو کی وطن واپسی پر سی ای سی اجلاس بلانے کا فیصلہ بھی کیا گیا ہے، جس میں ایلکشن کمیشن کے اعلان پر آئندہ کا لائحہ عمل طے کیا جائے گا۔پیپلز پارٹی نے کہا ہے کہ الیکشن کمیشن کا اعلان خلاف آئین ہے جو قابل قبول نہیں، الیکشن کمیشن کو الیکشن کی تاریخ اور شیڈول کا اعلان کرنا چاہیے تھا۔ترجمان پیپلز پارٹی فیصل کریم کنڈی نے کہا کہ الیکشن کمیشن کو آئین کے مطابق الیکشن نہ کروانے پر جوابدہ ہونا پڑے گا، سی ای سی اجلاس میں عوام میں جانے اور عدلیہ سے رجوع کرنے سمیت مختلف آپشنز پر غور کیا جائے گا۔
