جیکب آباد(این این آئی)ایک اور بچی جنسی درندگی کی بھینٹ چڑھ گئی، سفاک ملزمان نے گیارہ سالہ بچی کوزیادتی کے بعد قتل کرکے لاش نہرمیں پھینک دی۔تفصیلات کے مطابق جیکب آباد میں گیارہ سالہ بچی حسینہ کھوسو کا گھر سے باہر نکلناجرم بن گیا، جنسی درندوں نے ایک اور معصوم کلی کو کھلنے سے پہلے مسل دیا۔
بچی کے والد نے بتایا کہ بیٹی دودھ لینے گھر سے نکلی تھی ، واپس نہ آنے پر تلاش شروع کی تو اس کی تشدد زدہ لاش نہرسے ملی۔ملزمان کی عدم گرفتاری پر جے یو آئی کا احتجاج رنگ لے آیا، پولیس نے مقدمہ درج کرکے مشتبہ افراد کوحراست میں لے لیا ہے۔غم سے نڈھال حسینہ کھوسو کے اہل خانہ نے اعلیٰ حکام سے درخواست کی ہے کہ ان کی بیٹی کے قاتلوں کو گرفتار کرکے سخت سے سخت سزادی جائے۔
