مکوآنہ (این این آئی)اوباش نوجوان نے جی سی یونیورسٹی فیصل آبادکی طالبہ کو ہوس کا نشانہ بنا ڈالا اور برہنہ ویڈیو بنا کر بلیک میل کرتے ہوئے دو لاکھ کا مطالبہ کر دیا۔تفصیل کے مطابق جی سی یونیورسٹی کی طالبہ صالح اکرم نے پولیس کو دی جانیوالی درخواست میں بتایا کہ چند روز قبل ملزم ساجد شاہ زیب نے اسے بات کرنے کے بہانے یونیورسٹی سے بلایا اور نڑوالا روڈ پر واقع تاج ہوٹل میں لے گیا جہاں پر زبردستی ہوس کا نشانہ بناتے ہوئے اسکی برہنہ تصاویر اور ویڈیو بھی بنا ڈالی۔
بعدازاں اسکو بلیک میل کرتے ہوئے کہا کہ گھر والوں سے دو لاکھ روپے لا کر دو ورنہ اسکی برہنہ ویڈیو اور تصاویر سوشل میڈیا پر اپ لوڈ کر دونگا، جس پر لڑکی نے تمام صورتحال سے گھروالوں کو آگاہ کرتے ہوئے تھانہ گلبرگ کو اطلاع کر دی۔ گلبرگ پولیس نے کارروائی عمل میں لاتے ہوئے طالبہ کو ہوس کا نشانہ بناکر برہنہ ویڈیو سوشل میڈیا پر وائرل کرنے کی دھمکی دیکر دو لاکھ کا مطالبہ کرنے والے اوباش ملزم ساجد شاہ زیب کی تلاش شروع کر دی ہے۔
