ماسکو(این این آئی)روسی ایئرلائن کے پائلٹ نے مسافر طیارے کو خرابی کی وجہ سے سائبیریا کے کھیتوں میں ہنگامی طور پر اتار دیا۔غیر ملکی خبر رساں ادارے کے مطابق یورال ایئر لائنز اے 320 نے سائبیریا کے علاقے نوووسیبرسک کے علاقے کامینکا کے قریب ایک کھیت میں ہنگامی لینڈنگ کی۔طیارہ 159 مسافروں اور عملے کے چھ افراد کو لے کر سوچی سے اومسک جا رہا تھا۔

بریکنگ ایوی ایشن نیوز اینڈ ویڈیوز آن ایکس کا کہنا تھا کہ تمام مسافروں اور عملے کو بحفاظت نکال لیا گیا ہے۔حکام کا کہنا تھا کہ طیارے کو ہائیڈرولک سسٹم کی خرابی کی وجہ سے ہنگامی لینڈنگ کرنا پڑ گئی۔روس کی تحقیقاتی کمیٹی نے فضائی ٹریفک سیفٹی قوانین کی خلاف ورزی کے حوالے سے تحقیقات شروع کردی ہیں۔