کراچی (این این آئی)ایف آئی اے اینٹی کرپشن سرکل نے موبائل فونز کی خرید و فروخت کی آڑ میں حوالہ ہنڈی میں ملوث ٹیک زون نامی کمپنی سے 32 لاکھ روپے برآمد کرکے ایک ملزم کو گرفتار کرلیا۔ایف آئی اے اینٹی کرپشن نے ڈپٹی ڈائریکٹر جاوید بلوچ کی ہدایت پر زمزمہ موبائل مارکیٹ میں کارروائی کی، اس دوران کمپنی کے کیشئر شاہ رخ کی گرفتاری عمل میں آئی۔
غیر قانونی طور پر درآمد کیے گئے 24 کروڑ روپے سے زائد مالیت کے موبائل فونز کی سپلائی رسیدیں بھی برآمد کی گئیں۔دیگر برآمد اشیا میں تین مختلف اقسام کے 14 نئے اور پرانے آئی فونز، 2 آئی پیڈز اور 2 اسمارٹ گھڑیاں برآمد ہوئیں جبکہ برآمد موبائل فونز اور دیگر اشیا کی مالیت 38 لاکھ روپے سے زائد ہے۔کمپنی اور ملزم کے خلاف مقدمہ درج کرکے مزید کارروائی جاری ہے۔
