لاہور( این این آئی)صدر مملکت ڈاکٹر عارف علوی نے حضرت سید علی بن عثمان الہجویری رحمتہ اللہ علیہ کے مزار مبارک پر حاضری دی ، صدر مملکت عارف علوی نے مزار چادر چڑھائی اور پھول رکھے ۔صوبائی وزیر اوقاف بیرسٹر سید اظفر علی ناصر، سیکرٹری اوقاف ڈاکٹر سید طاہر رضا بخاری ، ایڈمنسٹریٹر داتا دربار شاہد حمید ورک،منیجر داتا دربار شیخ محمد جمیل بھی اس موقع پر موجود تھے ۔
خطیب جامع مسجد داتا دربار مفتی محمد رمضان سیالوی نے ملک و قوم کی سر بلندی، اس کی نظریاتی و جغرافیائی سرحدوں کی حفاظت کے لئے دعا کروائی۔صوبائی وزیر اوقاف بیرسٹر سید اظفر علی ناصر نے صدر مملکت ڈاکٹر عارف علوی اورصدر مملکت ڈاکٹر عارف علوی نے صوبائی وزیر اوقاف اور سیکرٹری اوقاف پنجاب کی دستار بندی کی۔
