گوجرانوالہ (این این آئی)گوجرانوالہ چوری کی واردات کے دوران نامعلوم چور خالی گھر سے 9 ہزار امریکی ڈالرز، ریال اور زیورات سمیت نقدی چوری کر گئے۔پولیس کے مطابق واقعہ ایمن آباد کے قریب نجی ہاؤسنگ سوسائٹی میں پیش آیا جہاں امریکی نڑاد پاکستانی تاجر ملک اظہر فیملی سمیت بھائی کے گھر گیا ہوا تھا۔

پولیس کے مطابق خالی مکان میں چور گھس آئے اور گھر میں موجود الماریوں کے تالے توڑ کر 9 ہزار امریکی ڈالر، 20 ہزار ریال اور 35 لاکھ پاکستانی روپے سمیت زیورات چوری کرکے فرار ہوگئے۔پولیس کے مطابق نامعلوم چور گھر کے پچھلے دروازے توڑ کر اندر داخل ہوئے تھے، رپورٹ درج کرکے تحقیقات شروع کردی گئی ہے۔