اسلام آباد (این این آئی)شیریں مزاری کی ای سی ایل سے نام نکلوانے کے درخواست میں اسلام آباد ہائیکورٹ نے آئی جی اسلام آباد پر 25 ہزار روپے جرمانہ عائد کر دیا ۔جسٹس طارق محمود جہانگیری نے تین صفحات پر مشتمل تحریری آرڈر جاری کر دیا،عدالت کے بار بار کے حکم کے باوجود جواب جمع نا کرانے کے جرمانہ عائد ہوا۔

ہائی کورٹ نے کہاکہ آئندہ سماعت سے قبل آئی جی 25 ہزار روپے پٹشنر شیریں مزاری کو دیں ، دو اگست کو ایک ہفتے میں آئی جی اسلام آباد کو جواب جمع کرانے کا حکم دیا ۔ عدالت نے دس اگست تک جواب جمع نہیں کرایا ایک ہفتہ مہلت کی استدعا عدالت نے منظور کی ۔ ہائی کورٹ نے کہاکہ 29 اگست کو بھی آئی جی اسلام آباد نے جواب جمع نہیں کرایا ، آئی جی اسلام آباد کو آج بھی جواب جمع نا کرانے پر 25 ہزار روپے جرمانہ عائد کیا جاتا ہے۔ ہائی کورٹ نے کہاکہ عدالتی حکم کے مطابق جواب جمع کیوں نہیں ہوا ؟ آئی جی انکوائری کرائیں ، انکوائری کرکے ایکشن لیکر دو ہفتے میں جواب جمع کرائیں ۔