کراچی(این این آئی)توشہ خانہ کیس میں چیئرمین پی ٹی آئی کو سزا سنانے کے فیصلے کے بعد کراچی میں پولیس کو ہائی الرٹ کردیا گیااس حوالے سے پولیس نے بتایا کہ شہر میں صورتحال معمول پر ہے اور کراچی بھر میں پولیس کو ہائی الرٹ کر دیا گیا ہے۔رپورٹ کے مطابق عدالتی فیصلہ سامنے آنے کے بعد کراچی کے کسی علاقے میں کوئی سڑکوں پر آیا اور نہ ہی احتجاج ہوا۔ کراچی کے علاقے شاہ فیصل میں نرسری کے قریب بھی ٹریفک معمول کے مطابق چلتا رہاجہاں ماضی میں شارع فیصل پر انصاف ہاؤس پر جمع ہونے والے کارکن احتجاج کرتے تھے۔علاوہ ازیں کراچی پریس کلب پر بھی احتجاج کرنے کے لیے کوئی نہیں پہنچا ۔