اسلام آباد: مری ایکسپریس وے پر بس الٹنے سے درجنوں افراد زخمی ہو گئےمری ایکسپریس وے پر بستال موڑ کے قریب ایک بس الٹ گئی۔ریسکیو 1122 حکام کے مطابق مری سے لاہور جانے والی بس میں 70 سے زائد مسافر سوار تھے جس کے الٹنے سے درجنوں مسافر زخمی ہو گئے۔25 شدید زخمیوں کو طبی امداد کے لیے ہسپتال منتقل کر دیا گیا ہے۔

مسافر بس ایکسپریس وے پر بستال موڑ کے قریب ڈرائیور سے بے قابو ہو کر الٹی۔واقعے کی اطلاع ملتے ہی ریسکیو کی پانچ ایمبولنس گاڑیاں اور ریسکیو ایمرجنسی وہیکلز سمیت دیگر طبی عملہ موقع پر پہنچا اور زخمیوں کو ابتدائی طبی امداد فراہم کی۔حادثے کے نتیجے میں 28 افراد زخمی ہوئے جن میں سے تین معمولی زخمیوں کو موقع پر طبی امداد پہنچا کر فارغ کر دیا گیا جبکہ 25 شدید زخمیوں کو قریبی ہسپتال منتقل کر دیا گیا ہے جن کا علاج جاری ہے۔حادثے کی وجوہات جاننے کے لیے تحقیقات کا بھی اغاز کر دیا گیا۔