اسلام آباد(این این آئی)ڈیری اینڈ کیٹل فارمرز ایسوسی ایشن کی جانب سے دودھ کی قیمت میں 10روپے فی لیٹر تک کمی کا کرنے کا امکان ہے۔ڈیری فارمرز نے کہاکہ مہنگائی کی وجہ سے دودھ کی فروخت میں 25سے 30فیصد تک کمی ہوئی ہے،وفاقی حکومت نے دودھ کی بڑھتی ہوئی پیداواری لاگت کم کرنے کے لئے کوئی کام نہیں کیا۔ڈیری فارمرز کو قیمت بڑھانے کی بجائے پیداوار بڑھانی ہوگی اور کسانوں کو زندہ رہنے کے لئے کوالٹی اینیمل پر کام کرنا ہوگا۔مزید کہاکہ اعلیٰ پیداوار کے حامل جانور رکھنے ہونگے، جبکہ صارف گائے کا دودھ استعمال کریں کیونکہ وہ سستا اور اعلیٰ کوالٹی کا ہے۔ڈیری فارمرز نے کہاکہ بھینس کا دودھ کم قیمت میں ملنا ممکن نہیں ہوگامبھینس اوراس کے نوزائیدہ بچوں کی بے تحاشہ سلاٹرنگ اور کم پیداوار کی وجہ سے بھینس کا دودھ رائل ملک میں شمار ہوگا۔