اسلام آباد (این این آئی)پی ڈی ایم ترجمان حافظ حمداللہ نے کہاہے کہ ہو سکتا ہے نگران وزیر اعظم کیلئے اسحاق ڈار کے نام پر مسلم لیگ فیصلہ کر چکی ہو ، پی ڈی ایم اور حکمران اتحاد کے پلیٹ فارم سے باقاعدہ فیصلہ نہیں ہوا ہے ۔ اپنے بیان میں حافظ حمد اللہ نے کہاکہ مسلم لیگ (ن )نے اسمبلیوں کی تحلیل کا تاریخ طے کرنے اور نگران وزیراعظم کے نامزدگی کیلئے مشاورتی کمیٹی تشکیل دیاہے ۔
انہوںنے کہاکہ ہو سکتا ہے نگران وزیر اعظم کے لئے اسحاق ڈار کے نام پر مسلم لیگ فیصلہ کر چکی ہو لیکن پی ڈی ایم اور حکمران اتحاد کے پلیٹ فارم سے باقاعدہ فیصلہ نہیں ہوا ہے البتہ نگران وزیراعظم کافیصلہ مشاورت سے ہوگا ایک پارٹی فیصلہ نہیں کر سکتی لیکن اس بار شوکت عزیز حفیظ شیخ معین قریشی اور رضاباقر جیسے امپورٹڈ شخص نگران وزیراعظم نہیں ہوگا ،انشاء اللہ چند دنوں میں مشاورت ہو گی فیصلہ سامنے آئیگا کوئی جلدی نہیں ۔
