دیر (این این آئی)سوشل میڈیا ایپلی کیشن فیس بک پر دوستی عشق میں بدل گئی اور بھارتی لڑکی پاکستانی محبوب سے ملنے خیبرپختونخوا کے علاقے دیر پہنچ گئی۔میڈیا رپورٹ کے مطابق بھارت کی ریاست اترپردیش کی رہائشی لڑکی انجو اور دیر کے نصراللہ کی فیس بک پر دوستی ہوئی جو محبت میں بدل گئی۔35 سالہ انجو نصراللہ سے ملنے وزٹ ویزہ پر پاکستان پہنچ گئی، وہ ایک ماہ کی چھٹی پر آئی ہیں۔

انجو اور نصراللہ کی جلد منگنی ہوگی جس کے بعد وہ واپس بھارت جائیں گے اور دوبارہ پاکستان آنے پر دونوں شادی کریں گے۔ایک انٹرویو میں ڈسٹرکٹ پولیس آفیسر مشتاق خان نے بتایا کہ بھارت سے آنے والی لڑکی کے دستاویزات پورے ہیں اور علاقے کے لوگ انجو کی دیر آمد پر خوش ہیں۔انہوںنے کہاکہ انجو کی سکیورٹی کیلئے انتظامات کر رہے ہیں، اس لیے انہیں تھانے بھی بلایا گیا تھا۔