مظفرگڑھ(این این آئی)تھرمل کالونی سے تین لڑکیوں کی لاشیں برآمد ہوئی ہیں۔پولیس کے مطابق یہ واقعہ مظفر گڑھ کی تھرمل کالونی میں پیش آیا جہاں سے تین لڑکیوں کی لاشیں ملیں جو تینوں بہنیں ہیں۔پولیس کے مطابق تینوں لڑکیوں کی لاشیں محلے کے ایک خالی پلاٹ سے ملی ہیں، بتایا گیا ہے کہ یہ تینوں بہنیں گزشتہ رات لاپتا ہوئی تھیں۔پولیس کے مطابق فورنزک ٹیموں نے موقع پر پہنچ کر تحقیقات شروع کردی ہیں اور اس حوالے سے اہل محلہ سے بھی تفیش کی جارہی ہے۔پولیس کے مطابق ابتدائی شواہد کے مطابق تینوں بہنوں کو تیز دھارآلے سے گلا کاٹ کر قتل کیاگیا ہے۔
تین بچیوں کی نعشوں کو برآمد کر کے ہسپتال منتقل کر دیا گیا اور پولیس مصروف تفتیش ہے نگران وزیراعلی نے واقعہ کا نوٹس لیتے ہوئے رپورٹ طلب کر لی۔زرائع کے مطابق مظفرگڑھ کے علاقے تھرمل کالونی سے 3 بچیوں کی لاشیں برآمد کر کے ہسپتال منتقل کر دی گئیں اور پولیس مصروف تفتیش ہے۔نگران وزیراعلی پنجاب نے واقعہ کا نوٹس لیتے ہوئے آر پی او ڈیرہ غازی خان سے رپورٹ طلب کرلی اور واقعہ کی تحقیقات کا حکم دیتے ہوئے ڈی پی او کو واقعہ میں ملوث ملزمان کی جلد گرفتاری یقینی بنانے کی ہدایت کر دی ہے۔
