ابوظہبی(این این آئی)امارات میں ایشیائی باشندے کو دولت کی نمائش اور بھاشن بازی بھاری پڑگئی۔میڈیارپورٹس کے مطابق ایشیا ئی باشندے نے کاروں کے ایک شوروم میں اپنی دولت کی نمائش کرائی اور خود کو امیر ترین شخصیت کے طور پر ظاہر کیا۔ویڈیو میں دیکھا جا سکتاہے کہ ایک شخص عربی لباس میں گاڑی کے شورم میں نوٹوں کی گڈیاں لے کر داخل ہوتا ہے، اس دوران وہ کئی گاڑیوں کی قیمتیں پوچھتا ہے اور مسلسل مہنگی سے مہنگی گاڑی دکھانے پر اصرار کرتا ہے۔اس شخص نے کسی کو جوس پینے کے لیے تو کسی کو بطور ٹپ نوٹوں کی گڈی بھی دی جب کہ اس نے یہ متکبرانہ ویڈیو سوشل میڈیا پر اپ لوڈ کی تھی۔حکام نے اماراتی سائبر قوانین کے تحت ایشیائی باشندے کو گرفتار کرلیا اور جس شوروم میں ویڈیو ریکارڈ کی گئی اس کے مالک کو بھی طلب کرلیا گیا ہے۔