لاہور(نیوز ڈیسک)انکم ٹیکس ادانہ کرنے پرمحمد حفیظ کی سوئی ناردرن گیس لمیٹڈ کی ٹیم سے ملنے والی تنخواہ کاٹ لی گئی ہے۔انکم ٹیکس ادانہ کرنے پراپنی تنخواہ کٹوا بیٹھے۔ نجی ٹی وی کے مطابق محمد حفیظ انکم ٹیکس کی مد میں37 لاکھ 39 ہزارروپے کے محکمہ مال کے نادہندہ ہیں۔ نجی ٹی وی نے اپنے ذرائع کے حوالے سے دعویٰ کیا ہے کہ قو می کرکٹر کے تنخواہ اکاونٹ سے 2 لاکھ 43 ہزار روپے کاٹے گئے ہیں۔ واضح رہے کہ اس سے قبل محمد حفیظ نے لاہور کے ایک پراپرٹی ڈیلر کو مکان کی خریداری کیلئے تین کروڑ روپے دیے تھے جس میں ان کے ساتھ فراڈ ہوگیا تھا۔ بعدازاں پولیس نے پراپرٹی ڈیلر سے ان کے پیسے واپس دلوائے تھے