اسلام آباد (این این آئی)چیف جسٹس پاکستان عمر عطاء بندیال نے جسٹس مسرت ہلالی کی تقریبِ حلف برداری کے بعد صحافیوں سے گفتگو کے دوران ان کے کچھ سوالوں کا جواب دینے سے انکار کر دیا۔نجی ٹی وی کے مطابق اس موقع پر چیف جسٹس پاکستان عمر عطاء بندیال نے 3 صحافیوں اور یوٹیوبرز سے ملاقات کے مندرجات کی تصدیق یا تردید سے انکار کر دیا۔صحافی نے ان سے سوال کیا کہ کیا آپ سے منسوب رپورٹ ہونے والی باتیں درست ہیں؟

چیف جسٹس عمر عطاء بندیال نے منہ پر انگلی رکھ کر جواب دیا کہ میں اس بارے میں کچھ نہیں کہوں گا۔صحافی نے سوال کیا کہ کیا وہ باتیں غلط ہیں؟اس پر چیف جسٹس پاکستان عمر عطاء بندیال نے جواب دیا کہ غلط باتیں تو آپ کرتے ہیں۔واضح رہے کہ جسٹس مسرت ہلالی نے بطور سپریم کورٹ کی جج اپنے عہدے کا حلف اٹھا لیا۔چیف جسٹس پاکستان جسٹس عمر عطاء بندیال نے جسٹس مسرت ہلالی سے حلف لیا۔تقریبِ حلف برداری میں سپریم کورٹ کے ججز، اٹارنی جنرل اور وکلاء نے شرکت کی۔