مکہ مکرمہ (این این آئی)عیدالاضحی کے موقع پر مسجد الحرام مکہ مکرمہ اور مسجد نبوی مدینہ منورہ میں نماز عید کے دنیا کے سب سے بڑے اجتماعات منعقد ہوئے۔ادھر حجاج کرام نے بڑے شیطان کی رمی کی،، قربانی کر کے سر منڈوائیں اور احرام کھول دیا، طوافِ زیارت بھی کی واضح رہے کہ حج کا رکنِ اعظم وقوفِ عرفات ادا کرنے کے بعد لاکھوں حجاج کرام گزشتہ رات مزدلفہ پہنچے تھے۔
حجاج کرام نے مزدلفہ پہنچ کر مغرب اور عشا کی نمازیں ایک ساتھ ادا کیں اور رات کو وہیں پر قیام کیا۔ریاض سے سعودی ادارہ شماریات کے مطابق حاجیوں کی تعداد اندازوں سے بہت کم رہی ہے، اس سال حج میں 18 لاکھ 45 ہزار 45 مرد و خواتین عازمین نے شرکت کی۔دریں اثناء سعودی عرب، متحدہ عرب امارات اور دیگر خلیجی ریاستوں میں عید الاضحی انتہائی مذہبی جوش وخروش سے منائی گئی۔
دوسری جانب دبئی میں اماراتی روایت کے مطابق توپ کے دو گولے داغ کر عید کا اعلان کیا گیا۔واضح رہے کہ سعودی عرب، متحدہ عرب امارات (یو اے ای)اور دیگر خلیجی ریاستوں میں عید الاضحی مذہبی جوش و خروش سے منائی جارہی ہے۔عیدالاضحی کے موقع پر مسجد الحرام مکہ مکرمہ اور مسجد نبوی مدینہ منورہ میں نماز عید کے دنیا کے سب سے بڑے اجتماعات منعقد ہوئے۔دبئی میں اماراتی روایت کے مطابق توپ کے دو گولے داغ کر عید کا اعلان کیا گیا۔برطانیہ، کینیڈا اور امریکا میں اس بار بھی کمیونٹیز تقسیم ہیں، بعض نے بدھ کو منائی اور بعض جمعرات کو عید منائیں گے۔
