حیدر آباد(نیوزڈیسک) بھارتی میڈیا کے مطابق ٹینس سٹار ثانیہ مرزا کی بہن انعم مرزا کی منگنی ہو گئی ہے۔ ثانیہ مرزا نے شرکت کرکے تقریب کو چار چاند لگا دیئے۔ منگنی کی تقریب تھی تو ثانیہ مرزا کی بہن انعم مرزا کی لیکن تمام نظریں ثانیہ پر ہی مرکوز تھیں۔ ثانیہ نے اپنی بہن کی منگنی پر مشہور ڈریس ڈیزائنر منیش ملہورترا کا لباس زیب تن کیا تھا۔ ثانیہ مرزا اس موقع پر بہت خوش نظر آ رہی تھیں۔ انہوں نے اس تقریب کے ہر لمحے کو خوب انجوائے کیا۔دوسری جانب قومی کرکٹر اور ثانیہ مرزا کے شوہر شعیب ملک اس تقریب میں اپنی مصروفیات کی وجہ سے شرکت نہ کر سکے

مزید پڑھئے: بھارت کے سامنے گھٹنے نہیں ٹیک سکتے

جس کی وجہ سے تقریب کا رنگ کچھ پھیکا رہا۔ واضع رہے کہ انعم مرزا کی منگنی شادی بائو اکبر رشید سے سرانجام پائی ہے۔ منگنی کی تقریب میں رشتہ داروں، عزیزوں اور قریبی دوستوں کی بڑی تعداد نے شرکت کی۔ بھارتی میڈیا سے گفتگو کرتے ہوئے انعم مرزا نے کہا کہ اکبر رشید سے رشتہ ان کے والدین نے ہی طے کیا ہے تاہم اس میں ہم دونوں کی رضامندی بھی شامل ہے۔ انعم مرزا نے کہا کہ ان کا اگلے سال شادی کرنے کا ارادہ ہے۔